Mapa da diferencia entre a hora solar e a oficial

Unha viaxe a España de Stefano Maggiolo foi o que o animou a facer un mapa recollendo a diferencia entre a hora solar e mais a oficial e resultou que había moitos máis lugares nos que o abrente e mais o solpor chegan tarde, como pasa aquí, que lugares onde a hora solar vaia por diante da hora oficial. Así, editou o mapa da Wikipedia para facelo de máis clara lectura; canto máis encarnado, máis adianto da hora oficial respecto da solar e canto máis verde, máis atraso da hora oficial respecto da solar.

SolarTimeVsStandardTime

Destaca no seu post como o caso máis parecido ao de España o de China onde, na súa parte máis occidental e ao teren un só fuso horario para todo o país, a diferencia entre a hora solar e a oficial chega ás tres horas. Todo isto, xunto con máis información e o mapa completo a 4000 x 2048, pódese atopar no seu How much is time wrong around the world?

 

O primeiro mail

Hoxe, con nove anos, oito meses e tres días, opedrinho abriu a súa primeira conta de correo electrónico, en google que disque é o que usa para buscar.

E si, xa sei que isto podería ser un tweet pero isto é meu e twitter non, e seguro que algún día opedro ou a súa irmá chegan lendo ata aquí.

 

A chuva en Europa

Coa que vai aí fóra lembrei que aí atrás o @Cascarelo puxera un mapa de precipitacións anuais en Europa. Non hai dúbida, aquí chove.

europe·annual·precip

Outras fontes tamén apuntan a esa posibilidade; aí van media ducia de mapas de precipitacións de Europa e mais de España, cada un do seu pai e da súa nai.

europe_annual_precip

europe-annual-precip

Europe.Annual.Precip

Europe_Annual_Precipitation

lluvia_anual_espanha

chuva_anual_españa

 

Confírmase o que xa sabía, fóra segue chovendo.

 

Mapa dos cables submarinos 2014

TeleGeography leva anos creando un mapa dos cables submarinos de comunicacións  e este ano non podía ser menos, así que vén de publicar a edición 2014 do seu popular Submarine Cable Map.

telegeography

mapa-cable-2014

telegeography_api

Tamén poñen á nosa disposición un machuco sobre google maps do mesmo Submarine Cable Map, que amosa as conexións físicas a terra que fan posible o tráfico de datos baixo o mar. Esta versión permite obter máis información dos cables e tamén dos lugares aos que chegan eses cables para distribuir o tráfico de datos. Falta algunha información, coma que o GLO-1 ten un punto de unión co continente en Vigo pero, malia así, é digno de ver.

Earth wind map

O mapa de vento da Terra, unha visualización interactiva do noso planeta coas condicións climatolóxicas en tempo case real, actualizada cada tres horas con datos de vento e temperatura e mais unha predicción das correntes mariñas que se actualiza cada cinco días.

earthwind

earthcurrents

earthtemperature

Cameron Beccario fixo un traballo ben bonito tirando dos datos do Global Forecast System e unha chea de ferramentas e servizos máis; aquí ten máis información sobre o seu proxecto. Via o meu tumblr.

Pulpo prá xente

O título é o tagline do tumblr que baixo o nome de Pulpeiro vén publicando desde hai uns meses con imaxes máis ou menos antigas, todas elas curiosas. A seguir van unha poucas que lle roubei.

A enseada de Lourizán co recheo feito para Celulosas, ano 1964

lourizan64

Praza de María Pita nos anos 70

Praza de María Pita nos anos 70

Praia de Santa Cristina nos anos 70

stacristina70

Avenida de Alfonso Molina a finais dos anos 50

alfonsomolina57

Trolebús en Pontevedra nos anos 80

trolepontevedra

Rúa Nova de Abaixo nos anos 90

ruanova90

E havos de pasar coma me pasou a min, así que se tedes tempo non deixedes de velo ata o final.