Moitas veces sorpréndome fedellando por dentro dos programas P2P por ver quen e a que velocidade comparte datos comigo e con tantos outros coma min, e outras tantas veces chámanme a atención algunhas desas IPs estranxeiras que son quen de sementar enteiriño e desde unha soa IP o meu ancho de banda de baixada e facer que o download dunha serie de televisión non leve máis que uns minutos.
En cambio, desde IPs galegas, segue sendo difícil ter un bo ratio de subida/baixada por mor da cada vez maior asimetría das nosas conexións á rede, que só priman o aumento da velocidade de baixada e non da de subida, facéndonos difícil devolverlle á rede o que ela nos dá.
Así, a semana pasada déuseme por comprobar, tirando do velocímetro de R, a velocidade da rede que estaba a utilizar por terras da Baixa Saxonia. Despois de facer varias probas onde a velocidade variaba segundo o momento do día, xa que non era o único utilizador da rede, saiu a seguinte captura de pantalla,
O resultado é o dunha conexión simétrica de 10Mbps cun ping de 26 ms, unha velocidade que, non hai tanto tempo, só estaba a disposición de redes locais que se instalaban en vivendas ou oficinas do noso país para ordenadores que estaban a apenas uns metros de distancia.
E esta é a velocidade que me deu R, o me fornecedor de acceso á rede hai uns minutos,
Si, as comparacións seguen sendo odiosas, sobre todo tendo en conta que teño unha conexión xeitosiña para os tempos que corren.
No Comments