Opaco

A ler das Xornadas da Comunicación que se celebran na Facultade de Ciencias Sociais de Pontevedra, ás que cheguei a través do Zuhause, saltei á páxina onde el soubo desas Xornadas, a de The Hidden Persuaders, onde din cun video, que seica atopou en I believe in advertising, dunha campaña para a escola de idiomas da Berlitz a promocionar os cursos de inglés xogando coas letras das cancións.

Porque, a ver, quen non lle cambiou nunca a letra a unha canción nunha língua descoñecida? Así, neste video, o Can’t touch this de MC Hammer agora é Ken touched this

E si, os anglófonos tamén se trabucan.