De cando en vez a miña nai ameaza con botar ao lixo, como ela di, toda a trapallada que deixei na súa casa. Entre esa trapallada hai moito mapa e entre eles unhas cantas cartas do Ejército español a escala 1:50000 e bastantes máis, tamén topográficas, do Instituto Geográfico Nacional a escalas 1:50000 e 1:25000.
Polos da Cartoteca sei que os que custaban centos de pesetas poden baixarse de balde da cartoteca do IGN seleccionando mapas MTN50-MTN25 e buscando o mapa do lugar desexado. Como resultado, arquivos pdf cunha imaxe JPEG encapsulada que dan unha calidade bastante boa e veñen pesando algo máis de 3MB.
O máis destacable é que tamén se poden baixar follas de mapas editados hai décadas e compararmos a evolución dun mesmo espazo no tempo,
e como o ladrillo foi medrando e como apareceron novas infraestructuras, anque para rechamante podemos ver como era a toponimia utilizada naqueles tempos e non tan aló. Sen máis, uns exemplos,
- O mapa da Coruña de 1933,
- O mapa de Lugo de 1950,
- O mapa de Santiago de Compostela de 1944,
- O mapa de Ourense de 1946,
- O mapa de Pontevedra de 1944,
- O mapa de Vigo de 1943.
e os que quedan por ver.
Grande achádego!!!
Malos tempos para a cartografía clásica cando hoxe manda o GPS. Onde van aqueles tempos onde se facían plans enriba dun mapa. Que sorte tiveches. A miña nai, guindoumos todos. Ás nais hai que facerlles caso cando falan.
Magnífico. No mapa de Vigo hai cousas excelentes e non só de nomenclatura. A Avenida de Madrid non existía, e chegábase á cidade por Lavadores. Meu pai foi a Vigo por vez primeira nese ano, creo, e confírmase o que dixo.
[...] Continuando coa lideira dos mapas dos que falaba aí atrás e seguindo a guía do mapa de abaixo que sinala a numeración dos cadrantes onde se ubican as follas das cartas topográficas do IGN correspondentes a Galiza, baixei 421MB de arquivos pdf. [...]
grande obra, grande sucesso, xa teño os meus de celeiro e riobarba!! :D
parabéns mil e obrigado
Noraboa pola inciativa de por a nosa disposición ise bo feixe de mapas. No meu caso interesanme os mapas da antiga lagoa de Antela. Podería porlle un ligazón as duas fotos que tes da Limia (1936 e 1943)?
Un saúdo.
Xavier
Xavier, por aí si que che cambiou o mapa. As imaxes, todas para ti, e esta tamén.
Pois si , cambiouche bastante. Graciñas pola última imaxe na que se ve todo de marabilla. Xa puxen os ligazóns ós mapas nun novo apartado adicado ós mapas da Limia e da lagoa de Antela (podes velo na sección: ligazóns).
Dichesme unha idea, vou colgar eu os mapas e outras cousiñas (libros, etc) que teño sobre a antiga lagoa de Antela. Ti que me recomendas pra elo, o Flickr ou no que tes ti os mapas?