Opaco

Coñecendo un pouco de leet está ben claro o porque desta data, o trinta e un de agosto, para escollelo como día dos blos, e así, coma un virus, vaise estendendo pola rede abaixo, como outro meme máis de tantos.

Con tal motivo e máis da boa nova destes días nun dos blos máis caralludos do blogmillo vou aproveitar, esquecéndome das recomendacións do meme, para poñer unhas ligazóns a eses cativos que naceron nesta terra (e algún que aínda está por nacer) e que chegaron cun blo baixo o brazo para conformar unha rede a xeito de blogomilhinho. Estes son,

O do pelacho, que apenas sabendo escribir e vendo que os seus pais tiñan un blo de seu, quixo tamén ir gardando as súas cousiñas na súa caixa dos tesouros.

O do Xan, un pouquiño máis novo que opedro e no que os seus pais van amosándonos como se vai facendo un home, con teleblog incluído.

O do Roi, un, polo de agora, pequeno diario da súa curta traxectoria vital posto baixo o seu brazo polo seu tío.

O do Leo, no que o seu pai, o acedre, vén contando os días que faltan para que estea cos seus.

Si, son catro pero é o que hai.

Quizais noutros espazos tan próximos e, á vez, tan lonxanos estea o que fai o número cinco. Se o averiguas, cóntanolo.