opaco

En 1973 o Oldsmobile Toronado foi o primeiro coche que se puxo á venda que viña de serie con airbag incorporado. En Europa iso non sucedeu ata 1983 cando saía ao mercado equipando a un Mercedes 500SEL. Estamos en 2006 e todos os coches que saen ao mercado levan sacos no volante.

E iso foi do que estivemos a falar. Ela viña para falar do repugnante que se está a poñer o seu ex pero acabou falando de traballo. Non comentamos unha palabra sobre o cabrón do seu ex nin da efectividade dos sacos e mais dos cintos, ambas cousas eran algo obvio. Ela falou de traballo, eu, de coches, e así, comezamos discutindo da diferencia de tamaño dos sacos europeos e mais os americanos e ela rematou con que o núcleo do que a leva ao traballo é de ferro e a funda é de PU, non de plástico, e o que trae entre mans é de núcleo de titanio, con forro de coiro e cunha chea de botóns, unha novidade que non coñecen nin os que viven diso.

Dixo que estivera ben, viña disposta a contarlle a mamaíña todas as penas e acabara falando do traballo. E é que hai xente que tamén pode desexar que chegue o luns logo, pero por outros motivos; ter tempo libre é o que ten, pode ser contraproducente, as neuronas non fan máis que cavilar. Saiu dicindo que o seu obxetivo para esta semana era durmir mellor, que para outra falariamos dos ACC, que comezan a montar os coches agora e que serán de serie, e moito máis efectivos, dentro de vinte anos.