Xeográfica
Non foi hai moito tempo que asinei unha petición para a modificación do proxecto da directiva europea INSPIRE sobre o acceso a datos financiados cos nosos cartos. Centrada nos datos xeográficos recollidos e que pagamos cos impostos cos que contribuimos ao financiamento público, consiste en solicitar que estes datos poidan ser utilizados por cidadáns e empresas que os precisen, sen barreiras de ningunha clase, xa que son recopilados cos nosos cartos e baixo o noso mandato.
Un xeito de amosar as posibilidades da información xeográfica libre é a que veño a coñecer a través de barrapunto. Un novo servizo na rede chamado Geonames ofrece información xeográfica baseándose nos mapas do google e mais nas bases de datos xeográficas militares. Pero onde destaca este servizo é que a base de datos é aberta e, polo tanto, pódese corrixir e mellorar, cousa que ningunha das nosas administracións ofrece.
Hai un traballo enorme por facer nos mapas da nosa terra, onde a localización de moitos accidentes xeográficos non é o precisa que debería, así como a normativización de moitos nomes de poboacións. Eu xa aportei algo, sustituíndo representacións gráficas de sons guturais que non existen ou eses is gregos que tanto danan á vista e colocando no seu lugar nomes de poboacións que colocaban no medio do mar.
Cuns cantos datos máis, fixeron uns servizos web que nos permiten conseguir os códigos postais próximos ás coordenadas de Pontevedra, as localidades e accidentes xeográficos que teñan ese mesmo nome, ou datos sobre un código postal da Coruña.
E lembra, se se aproba, INSPIRE consagrará unha política pola que se nos cobrará por información que xa teremos pagado cos nosos impostos.
Marzo 6th, 2006 at 8:42 pm
A Unión Europea está a dar noxo, de neoliberais estamos a parecernos cada vez máis ós EEUU. Co bonito que parecía aquilo de tódolos europeos unidos, e tal.
Marzo 7th, 2006 at 12:29 am
Estámosche bos, pois a única base de datos pública onde podes conseguir a latitude e a lonxitude dunha aldea galega, como pode ser Burgueira, no Rosal, sexa dos militares americanos.
Marzo 8th, 2006 at 2:11 pm
uff, encima vigilados (los militares yankis hacen sentir eso)
Marzo 8th, 2006 at 2:40 pm
releches, que interesante.
PA LA SACA!
aperta meu
Abril 24th, 2006 at 12:17 am
[...] Así que, unha vez vistas as posibilidades de todos estes datos xeográficos, aproveito para pedir, doutra vez, que se asine para a modificación da directiva europea INSPIRE e que os datos que as entidades públicas recollen cos nosos impostos sexan públicos e poidamos utilizalos sen barreiras de ningunha clase. [...]
Xaneiro 18th, 2007 at 12:12 pm
[...] E agora, utilizando os datos de geonames, do que xa temos comentado algo por acó, vén de engadir á súa colección os mapas dunha ducia de países máis, e entre eles o mapa de España, do que di que a distribución dos códigos postais é interesante, onde moitas das liñas que se fan para unilos non se cruzan, coa única excepción de Galiza, que destaca por amosar a estructura dun garabato moi denso. [...]